RƏNA ƏSƏDOVA

tarix üzrə fəlsəfə doktoru, dosent AMEA Tarix İnstitutu,

Azərbaycan Universiteti

[email protected]

ORCID : 0000-0002-0310-6201

 

BİRİNCİ DÜNYA MÜHARİBƏSİNİN ŞİMALİ AZƏRBAYCAN

İQTİSADİYYATINA TƏSİRİ PROBLEMİNİN TARİXŞÜNASLIĞI

 Birinci dünya müharibəsi dövründə Şimali Azərbaycanın sosial-iqtisadi həyatında baş verən dəyişikliklərdən bu və ya digər dərəcədə tədqiq edildiyi xeyli sayda tarixi ədəbiyyat mövcuddur. Onların içərisində Azərbaycan tarixində özünəməxsus yeri olan fundamental tədqiqatlar, sanballı monoqrafiyalar da vardır ki, təqdim edilən məqalədə bu əsərlərdən bəhs olunmuşdur. Ə.S.Sumbatza­də, M.Ə.İsmayılov, T.T.Vəliyev, Q.Ə.Əliyev və digər tədqiqatçıların əsərlərində XIX əsrdə və XX əsrin başlanğıcında Şimali Azərbaycanda sənayenin, kənd təsərrüfatının və nəqliyyatın inkişafı araş­dırılarkən, Birinci dünya müharibəsi dövründə iqtisadiyyatda baş verən dəyişikliklər haqqında da bir sıra qiymətli fikirlər irəli sürülmüşdür.

Açar sözlər: Birinci dünya müharibəsi, Şimali Azərbaycan iqtisadiyyatı, müharibənin təsiri, tarixi tədqiqatlar.