PƏRVANƏ İBRAHİMOVA
siyasi elmlər üzrə fəlsəfə doktoru,
Bakı Dövlət Universitetinin dosenti
ORCID NO:0000-0002-3611-0362
TÜRKDİLLİ DÖVLƏTLƏR ARASINDA VAHİD İNFORMASİYA MƏKANININ YARADILMASINI ZƏRURİ EDƏN AMİLLƏR VƏ BU İSTİQAMƏTDƏ İLK ADDIMLAR
DOI: https://doi.org/10.36719/2708-065X/104/69-75
Türk dünyası dil, tarix və mədəni dəyərlər baxımından zəngin irsə malikdir. Türkdilli ölkələr arasında ümumi irsin qorunub saxlanması, qlobal səviyyədə effektiv şəkildə təbliği vahid media və xəbər axını mexanizminin işlənib hazırlanmasını zəruri etmişdir. Məqalədə Türkdilli Xəbər Agentlikləri Birliyi, Türkdilli Ölkələrin və Toplumların Media Forumlarının fəaliyyəti təhlil edilmiş, türkdilli ölkələrin media birliyi vahid informasiya sferasının yaradılması kontekstində nəzərdən keçirilmiş, Azərbaycan-Türkiyə Ortaq Media Platformasının yaradılması zərurətinə toxunulmuşdur. Məqalədə habelə türk cümhuriyyətlərinin paytaxtlarında keçirilən toplantıların türk mediasının qlobal informasiya məkanına inteqrasiyasını təşviq etməklə yanaşı, medianın üzləşdiyi çətinliklərin öhdəsindən gəlmək, müasir texnoloji inkişafın yaratdığı yeniliklərə uyğunlaşmaq istiqamətində mühüm addımların atılmasına diqqət yetirilmişdir. Tədqiqat işində qeyd edilən platformaların yaranma məqsədi, fəaliyyət istiqamətləri, türk dünyasının media sektorunda əməkdaşlıq və inteqrasiya amilləri ətraflı şəkildə təhlil edilmiş, birgə layihələrin hazırlanması istiqamətində görülən işlər araşdırılaraq ümumiləşdirilmişdir.
Açar sözlər: Türkdilli dövlətlər, Türkdilli Xəbər Agentlikləri Birliyi, Ortaq Media Platforması, media forumları.