ƏLVİDA RƏHİMOV
Bakı Dövlət Universitetinin doktorantı
AHISQA (MESXETİ) TÜRKLƏRİNİN MƏDƏNİ HƏYATI
Ahısqa Türkiyənin şimal-şərq sərhəddində, Gürcüstana bağlı bir bölgənin tarixi mərkəzidir. Ahısqa və ətrafı da çox qədim türk bölgəsidir. Tarixi mənbələr eramızdan əvvəlki dövrdə burada türklərin yaşadığını göstərir. Bu bölgə 1578-ci ildə Osmanlı İmperatorluğuna qatılıb və 1828-ci il müharibələrində rusların əlinə keçib. O gündən bu günə qədər bölgənin taleyi gülməyib, əsirlikdən əsarətə sürüklənib. 1940-cı illər Sovet İttifaqının müharibə illəri idi. Stalin idarəsi Ahısqa türklərini cəbhəyə apardı. O, kənd və şəhərlərdə yaşayan insanları da qış günü qeyri-insani şəraitdə, qeyri-insani üsullarla Orta Asiya ölkələrinə aparırdı. İllərcə düşərgələrdə yaşayan Ahıska türkləri düşərgə həyatından sonra sürgündən qaça bilməyib, uzun mübarizəyə baxmayaraq vətənlərinə dönə bilməyiblər.
Açar sözlər: Ahısqa türkləri, mədəniyyət, ailə, adət-ənənə, geyim, yemək, din.