SƏBİNƏ HƏSƏNOVA
Bakı Dövlət Universitetinin doktorantı
MÜASİR DÖVRDƏ ÇEXİYA VƏ AZƏRBAYCAN RESPUBLİKALARI
ARASINDA MÜNASİBƏTLƏR
DOI: https://doi.org/10.36719/2708-065X/105/174-180
Çexiya və Azərbaycan Respublikaları arasında qarşılıqlı əlaqələr uzun ənənəyə sahibdir. Müstəqillik bərpa olunduqdan sonra hər iki dövlətin tarixində münasibətlərin yeni səhifəsi açılmışdır. Dövlətlərimiz arasında ikitərəfli siyasi, iqtisadi və humanitar əlaqələrin müxtəlif cəhətləri Azərbaycanın regionda vacib tərəfdaş olduğunu sübut edir. 1992-ci ilin 8 yanvarında Azərbaycanın müstəqilliyini tanıyan rəsmi Praqa respublikamızın müstəqilliyinin möhkəmlənməsinə mühüm töhfə verməklə yanaşı, Cənubi Qafqazın aparıcı dövləti olan Azərbaycanla əməkdaşlığa yüksək marağını nümayiş etdirmişdir. Diplomatik münasibətlər isə 29 yanvar 1993-cü ildə qurulmuş, sonrakı illərdə bir sıra sahələrdə faydalı əməkdaşlıq əlaqələri yaradılmışdır. İki post-sosialist ölkəsi arasında əlaqələr son illərə qədər intensiv xarakter daşımamış, əməkdaşlığın müqavilə-hüquq bazası cəmi 10 sənədlə məhdudlaşmışdır. Ulu öndərin xarici siyasət kursunu uğurla davam etdirən Prezident İlham Əliyev də Çexiya ilə münasibətlərə mühüm önəm verir. Dost ölkənin Prezidetinin Azərbaycana səfər proqramının uğurlu nəticəsi kimi əldə olunmuş bir sıra razılaşmalar bunun əyani təzahürüdür. Dövlətlərarası müzakirələr zamanı müxtəlif beynəlxalq və regional məsələlərdə eyni mövqedən çıxış edən Çexiya və Azərbaycan arasında münasibətlərin dərinləşdirilməsi üçün potensialın mövcudluğu aşkarlanmışdır.
Açar sözlər: Azərbaycan Respublikası, Çexiya, xarici siyasət, əməkdaşlıq.