MAHİRƏ ƏZİZOVA
t.ü.f.d, Bakı Slavyan universiteti
Diplomatiya və xarici siyasət kafedrası
İŞĞALDAN SONRA ÇAR RUSİYASININ
DƏRBƏNDDƏ HƏYATA KEÇİRDİYİ GÖMRÜK – KARANTİN SİYASƏTİ
DOI: https://doi.org/10.36719/2708-065X/105/94-100
Rusiya beynəlxalq ticarət yollarının kəsişdiyi Dərbəndə ilk növbədə Qacar İranı ilə ticarət əlaqələrində mühüm liman şəhəri kimi baxırdı. Buna görə də Dərbənddə gömrük sisteminin təşkili məsələsi şəhərin ruslar tərəfindən işğalının ilk günlərindən gündəmə gəlmişdi. Təqdim olunan məqalədə Qafqaz Arxeoqrafiya Komissiyasının aktları, eləcə də bu problemə dair ədəbiyyatın verdiyi məlumatlar əsasında Dərbənddə gömrük, gömrük-karantin işinin təşkili problemi araşdırılmışdır.
Araşdırma zamanı belə nəticəyə gəlinmişdir ki, Rusiya imperiyasının Cənubi Qafqazdakı gömrük sistemində xüsusi yer tutmuş Dərbənd gömrük-karantin hissəsinə Qacar İranı və Osmanlı Türkiyəsindən imperiyanın daxili quberniyalarına qaçaqmalçılıq yolu ilə müxtəlif malların daxil olmasının, eləcə də müxtəlif yoluxucu xəstəliklərin qarşısının alınması kimi vacib funksiyalar həvalə edilmişdi.
Açar sözlər: Rusiya imperiyası, gömrük siyasəti, Cənubi Qafqaz, Dərbənd gömrükxanası.