PƏRVİZ MƏHƏRRƏMOV
Gəncə Dövlət Universitetinin doktorantı
ORCİD İD: 0000-0002-3584-339
HEYDƏR ƏLİYEV VƏ MÜSTƏQİL AZƏRBAYCANDA
HAVA NƏQLİYYATININ İNKİŞAFI
DOI: https://doi.org/10.36719/2708-065X/106/183-188
Müasir Azərbaycan dövlətçiliyinin memarı və qurucusu, Ümummilli lider Heydər Əliyevin həyatı, siyasi və idarəçilik fəaliyyəti çağdaş tariximizdə müstəsna yer tutur. Azərbaycan tarixinin ən şanlı səhifələrini yazmış Heydər Əliyevin keçdiyi həyat yolu, müasir və gələcək nəsillərə miras qoyduğu mənəvi irs misilsiz sərvət, əvəzsiz nümunədir. Azərbaycan xalqının tarixinə və taleyinə parlaq və silinməz iz qoymuş böyük şəxsiyyət, müdrik dövlət xadimi Ulu Öndər Azərbaycanın tərəqqi və inkişaf yolunu dahiliklə müəyyənləşdirmiş, müstəqil dövlətçiliyimizin konseptual əsaslarını işləyib hazırlamışdır. Elmi məqalədə Müstəqil Azərbaycanda hava nəqliyyatının inkişaf strategiyası və qanunvericilik bazasının işlənib hazırlanmasında, onun fasiləsiz və səmərəli fəaliyyətinin təşkili və inkişafında Ümummilli Lider Heydər Əliyevin müstəsna rolu sənədlər və faktlar əsasında araşdırılır.
Açar sözlər: Azərbaycan, Heydər Əliyev, hava nəqliyyatı, inkişaf strategiyası, qanunvericilik bazası.