MƏHƏBBƏT SEYİDOVA
Bakı Dövlət Universiteti
Beynəlxalq münasibətlər kafedrasının doktorantı
https://orcid.org/0009-0000-1094-8477
BEYNƏLXALQ MÜNASİBƏTLƏRDƏ HƏRBİ GÜCDƏN İSTİFADƏ
DOI: https://doi.org/10.36719/2708-065X/108/145-150
Hüquq və güc arasında qarşılıqlı əlaqə problemi bütün dünya üçün aktual olaraq qalıb. Bu problemin həllindən yalnız ayrı-ayrı dövlətlərin deyil, bütün bəşəriyyətin taleyi asılıdır. Bu problem indiki “qlobal dəyişikliklər dövründə” xüsusi əhəmiyyət və aktuallıq qazanmışdır. Son illərdə baş verən sürətli dəyişikliklər ilə nəinki milli, həmçinin beynəlxalq hüquq sistemləri belə ayaqlaşa bilmirlər. Məqalədə hüququn gücü və güc hüququ arasında nisbət ilə bağlı ziddiyyətlər nəzərdən keçirilir. Beynəlxalq münasibətlərdə hərbi gücdən istifadənin qanuni olub-olmadığı məsələsi araşdırılır. Həmçinin dövlətlərarası hərbi toqquşmalar və beynəlxalq münasibətlərdə praktikada müəyyən sahələri tənzimləyən beynəlxalq hüquq mənbələrinin müqayisəli-hüquqi təhlili aparılır.
Açar sözlər: beynəlxalq münasibətlər, aqressiya, beynəlxalq sülh, BMT Nizamnaməsi, Beynəlxalq məhkəmə, hərbi gücdən istifadə, təhlükəsizlik, silahlı qüvvələr.