NADİR MİRZƏLİZADƏ
Bakı Dövlət Universitetinin
Politologiya və sosiologiya kafedrasının doktorantı
SİYASİ HAKİMİYYƏTİN CƏMİYYƏT ÜZƏRİNDƏ TƏSİRİ
DOI: https://doi.org/10.36719/2708-065X/108/141-144
Siyasi hakimiyyətin cəmiyyətə təsirinin təhlili həm müasir siyasi nəzəriyyələr, həmdə praktiki idarəetmə baxımından vacibdir. Bu məqalə, siyasi hakimiyyət anlayışını, siyasi hakimiyyətin müxtəlif formalarının cəmiyyətin üzərində təsirini, cəmiyyətin idarə olunmasında müxtəlif yollardan istifadəni və insanların bu idarəetməyə münasibətini geniş aspektdən araşdırır. Xüsusilə demokratik və qeyri-demokratik hakimiyyətin cəmiyyət üzərindəki təsirlərinin oxşar və fərqli cəhətləri nəzərdən keçirilir. Müasir dövrdə siyasi hakimiyyət formalarının transformasiyası problemi və bu sahədə həyata keçirilmiş uğurlu cəhdlər hərtərəfli izah edilir. Məqalənin əsas məqsədi siyasi hakimiyyətin və onun idarəetmə metodlarının cəmiyyətdəki sabitlik, inkişafa və dəyişikliklərə necə təsir etdiyini müəyyənləşdirməkdir.
Açar sözlər: Siyasi hakimiyyət, cəmiyyət, avtoritar hakimiyyət, totalitar hakimiyyət, demokratik hakimiyyət, sabitlik problemi, idarəetmə.