VƏFA İSMAYILOVA
Bakı Dövlət Universitetinin
“Diplomatiya və müasir inteqrasiya prosesləri” kafedrasının doktorantı
AZƏRBAYCANIN ENERJİ RESURSLARI AVROPA DÖVLƏTLƏRİ İLƏ ƏLAQƏLƏRİNDƏ MÜHÜM FAKTOR KİMİ
DOI: https://doi.org/10.36719/2708-065X/108/134-140
Azərbaycanın enerji resursları Avropa ilə əlaqələrində strateji əhəmiyyət daşıyaraq, qlobal enerji təhlükəsizliyində mühüm rol oynayır. Rusiya-Ukrayna müharibəsi nəticəsində Avropanın enerji asılılığı məsələləri yenidən gündəmə gəldi və Azərbaycan etibarlı tərəfdaş kimi ön plana çıxdı. Xüsusilə Cənub Qaz Dəhlizi, TAP və TANAP layihələri Avropanın enerji təchizatını şaxələndirərək, Rusiyadan enerji asılılığını əhəmiyyətli dərəcədə azaltmağa xidmət edir. 2023-cü ildə SOCAR-ın “Equinor” şirkətindən iştirak paylarını alması və Aİ ilə qaz təchizatının artırılması üzrə memorandum bu əməkdaşlığın strateji və uzunmüddətli perspektivlərini daha da gücləndirdi. Azərbaycanın enerji siyasəti təkcə iqtisadi deyil, həm də diplomatik alət kimi çıxış edərək, Avropa ilə siyasi-iqtisadi əlaqələri möhkəmləndirir. Rusiya maneələr yaratmağa çalışsa da, Azərbaycanın artan rolu Avropanın enerji təhlükəsizliyinə töhfə verir və beynəlxalq bazarda yeni tarazlıqlar yaradır. Beləliklə, Azərbaycanın zəngin enerji resursları və strateji layihələri Avropa ilə əlaqələrində həm regional, həm də qlobal səviyyədə dərin təsir göstərir. Bu resurslar təkcə enerji təminatını diversifikasiya etmir, həm də Azərbaycanın beynəlxalq nüfuzunu artıraraq, daha çevik və davamlı əməkdaşlıq perspektivləri yaradır.
Açar sözlər: Azərbaycan, enerji resursları, Avropa, enerji siyasəti, Rusiya-Ukrayna münaqişəsi.