PƏRVİZ MƏHƏRRƏMOV
Gəncə Dövlət Universitetinin doktorantı
ORCİD İD: 0000-0002-3584-339
HEYDƏR ƏLİYEV VƏ MÜSTƏQİL AZƏRBAYCANDA
DƏMİR YOLU NƏQLİYYATININ İNKİŞAFI
DOI: https://doi.org/10.36719/2708-065X/108/115-122
Müasir Azərbaycan dövlətçiliyinin memarı və qurucusu, Ümummilli lider Heydər Əliyev Azərbaycanın tərəqqi və inkişaf yolunu müəyyənləşdirmiş, müstəqil dövlətçiliyimizin konseptual əsaslarını işləyib hazırlamışdır. Dahi şəxsiyyət ölkənin iqtisadi tərəqqisində nəqliyyatın özünəməxsus yeri olduğunu bilir və Azərbaycana rəhbərlik etdiyi bütün dövrlərdə bu sahəyə xüsusi diqqət göstərmişdi. Təsadüfi deyil ki, 1994-cü ildə “Əsrin müqaviləsi”nin imzalanması ilə respublikanın iqtisadi qüdrətini və tranzit potensialını xeyli artdı. Şərqlə Qərb arasında strateji körpü rolunu oynayan Azərbaycan əlverişli tranzit əhəmiyyətli dövlət kimi bölgədəki lider statusunu təmin etdi. Elmi məqalədə Müstəqil Azərbaycanda iqtisadiyyatın ən vacib sahələrindən biri olan dəmir yolu nəqliyyatının inkişaf strategiyası və qanunvericilik bazasının işlənib hazırlanmasında, onun fasiləsiz və səmərəli fəaliyyətinin təşkili və inkişafında Ümummilli Lider Heydər Əliyevin müstəsna rolu sənədlər və faktlar əsasında araşdırılır.
Açar sözlər: Azərbaycan, Heydər Əliyev, dəmir yolu nəqliyyatı, inkişaf strategiyası, qanunvericilik bazası.