RƏŞİD MEHDİYEV
Bakı Dövlət Universiteti
Azərbaycan tarixi (humanitar fakültələr) kafedrasının doktorantı
XX ƏSRİN 70-80-Cİ İLLƏRİNDƏ AZƏRBAYCANDA
HƏRBÇİ KADRLARIN HAZIRLANMASI
DOI: https://doi.org/10.36719/2708-065X/108/94-100
XX əsrin 70-80-ci illərində Ümummilli lider Heydər Əliyev Azərbaycanın hərbi tarixini və qəhrəmanlarını əbədiləşdirmək üçün bir sıra mühüm tədbirlər həyata keçirdi. Bu dövrdə Azərbaycanın hərbi potensialını gücləndirmək üçün gənclərin hərbi vətənpərvərlik tərbiyəsini təmin etməyə xüsusi diqqət yetirildi. Ordu sıralarında azərbaycanlıların sayının artmasına, peşəkar hərbçilərin yetişməsinə şərait yaradıldı. Məqalədə, hərbi təhsil müəssisələrinin inkişafı, müharibə iştirakçılarının xatirəsini yaşatmaq, onların qəhrəmanlıqlarını geniş ictimaiyyətə tanıtmaq üçün atılan addımlar, Azərbaycanın müharibə tarixinin təbliği, hərbi vətənpərvərlik ruhunun yüksəlməsi, həmçinin gənclərin hərbi xidmətə marağının artırılması istiqamətində görülən işlər təhlil edilmişdir.
Açar sözlər: Heydər Əliyev, XX əsrin 70-80-ci illəri, hərbi məktəblər, Sovet İttifaqı qəhrəmanları, hərb tarixi.