NAZİM İBADOV
Fəlsəfə üzrə fəlsəfə doktoru, dosent, Bakı Dövlət Universieteti
AYNUR ABBASOVA
Bakı Dövlət Universitetinin magistrantı
abbasovva.aynur@gmail.com
BEYNƏLXALQ MEDİA SİSTEMİNDƏ
İNFORMASİYA AZADLIĞINA DEMOKRATİK TƏMİNAT
DOI: https://doi.org/10.36719/2708-065X/108/81-86
Hazırlanmış məqalədə media və media institutu anlayışlarının mahiyyəti araşdırılaraq təhlil olunur, media institutunun müasir informasiya cəmiyyətində tutduğu yer və oynadığı rol tədqiq edilir və eyni zamanda bu sahənin cəmiyyət həyatının digər sahələri ilə qarşılıqlı əlaqəsi müəyyənləşdirilir, bunlarla yanaşı Azərbaycan Respublikasında media faktorunun gücü və təşəkkül prosesi nəzərdən keçirilir, mövcud reallıqlar və əldə olunan nəticələrdən söhbət açılır. Media və kütləvi informasiya vasitələrinin günümüzdə təsir gücünün artması prosesi davam edir və hal-hazırda hər kəs öz informasiya ehtiyacını ödəmək üçün məhz bu vasitələrə üz tutur, onların geniş imkanlarından yararlanmağa çalışırlar.
Dünyada və ölkəmizdə media sistemi və mövcud media institutlarını, onların mahiyyəti və səlahiyyətlərini, cəmiyyət həyatının digər sahələrilə qarşılıqlı əlaqəsini müəyyən etmək, Azərbaycan və dünya mediasını təhlil edərək günümüzdə baş verən aktual məsələlərə olan münasibətlərini aydınlaşdırmaq, siyasi münasibətlərin təşəkkülündə, siyasi məsələlərin müzakirəsində medianın gücünü araşdırmaq və eyni zamanda modern informasiya cəmiyyətində yer alan Azərbaycan Respublikasında media və KİV-nin inkişaf göstəricilərini təhlil etmək tədqiqat işinin qarşısında duran vacib məqsədlərdən biridir. Tədqiqatın aparılmasında analiz, sintez, tarixi, müqayisəli, proqnozlaşdırma və s. metodlardan istifadə olunmuşdur. Ümumiyyətlə, bu tədqiqatın sonunda belə qənaətə gəlmək olar ki, hazırda bütün dünyanı özünə cəlb edən texnoloji yenilik və innovasiyaların media sisteminə tətbiqi bu sektorun inkişafında mühüm köklü dəyişikliklərə səbəb olmuş, media fəaliyyətinin söykəndiyi demokratik prinsiplər informasiya azadlığına, modern və qabaqcıl informasiya cəmiyyətinin təşəkkülünə yol açmışdır.
Açar sözlər: modern informasiya cəmiyyəti, informasiya azadlığı, media, media institutu, KİV, demokratiya, inkişaf, əlaqə.