TALEH CƏFƏROV

Azərbaycan Dövlət Pedaqoji Universitetinin

Ümumi tarix və tarixin tədrisi texnologiyaları

kafedrasının dosent əvəzi, tarix üzrə fəlsəfə doktoru,

Bakı Dövlət Universitetinin

Azərbaycan tarixi (Humanitar elmlər üzrə) kafedrasının

elmlər doktoru proqramı üzrə qiyabi doktorantı

[email protected]

 

ABŞ-DƏ TÜRK LOBBİSİNİN FORMALAŞMASI PROSESİ

 

DOI: https://doi.org/10.36719/2708-065X/108/67-72

 

Müasir dövrdə hər hansı bir dövləti lobbisiz təsəvvür etmək qeyri-mümkündür. Xüsusilə, qarşı­sına qlobal gücə çevrilməyi hədəf qoymuş Türkiyə Cümhuriyyəti diaspor və lobbiçilik institutunun for­malaşması prosesinə təəssüflər olsun ki, çox gec başlamışdır. Baxmayaraq ki, dünyasının başlıca siya­si mərkəzi hesab olunan ABŞ-də türk diasporu XX əsrin əvvəllərində yaransa da, ancaq bu diaspor yunan və erməni lobbisi qarşısında səssiz qalmış, güclənə bilməmişdir. Xüsusilə, 2010-cu ildən Türkiyə Cümhuriyyətinin Xarici siyasət strategiyasına lobbiçilik məsələlərinin gücləndirilməsi kimi məsələ əlavə edildikdən sonra ABŞ-dəki türk lobbisi hərəkətə keçmiş, yeni lobbi quruluşları yaratmış və ermə­ni və yunan lobbisinə qarşı Azərbaycan diasporu və lobbi quruluşları ilə koordinasiyalı şəkildə fəaliy­yət göstərməkdədir. Bütün bunlara baxmayaarq, Türkiyə lobbiçilik fəaliyyəti üçün öz maraqlarına xid­mət edən vahid dövlət strategiyası hazırlamalı, bu strategiyaya uyğun ABŞ-dəki türk lobbisini yönlən­dirməlidir.

Açar sözlər: Türk diasporu, inteqrasiya, lobbi, lobbiçilik, maraq qrupları.