QOŞQAR BAĞIROV
AMEA-nın Fəlsəfə və Sosiologiya İnstitutunun elmi işçisi
MÜHARİBƏ VƏ SÜLH: REALLIQ VƏ TƏZADLAR
DOI: https://doi.org/10.36719/2708-065X/109/171-175
Dünyada hərbi və siyasi qarşıdurmaların artdığı indiki zamanda müharibə və sülh məsələləri aktuallıq kəsb edir. Hər ikisi insan amili ilə bağlı olan bu problemlər bəşəriyyəti narahat edən əsas məsələlər sırasındadır. Müharibənin qalibi sülhün uduzanı olmaq tezisi nə qədər özünü təsdiq edirsə də dünya ölkələrinin heç də hamısı bu reallığı qavramaq və başa düşmək istəmir. Bununla əlaqədar olaraq mütərəqqi fikirli qüvvələr, aparıcı beynəlxalq təşkilatlar vəziyyətdən çıxış yolu tapmaq və necə deyərlər, ziyanın yarısından qayıtmaq üçün cəhdlər göstərir, hərbi əməliyyatların dayandırılması, insanların kütləvi qırğının qarşısının alınması yönündə addımlar atılır. Tədqiqat işində müharibə və sülh məsələləri təhlil olunub, bu kontekstdə insan amili səbəb, müharibə üzündən yaranan hərtərəfli böhran isə nəticə kimi araşdırılıb.
Açar sözlər: Təhlükəsizlik Şurası, BMT, dövlət, müharibə, münaqişə, təcavüz, sülh, ordu, siyasət.