ZÜMRÜD MƏLİKOVA
Bakı Slavyan Universitetinin dosenti,
siyasi elmlər üzrə fəlsəfə doktoru
ORCİD İD: 0009-0001-1282-888X
YENİ DÜNYA DÜZƏNİNDƏ TÜRKİYƏNİN XARİCİ SİYASƏTİ
DOI: https://doi.org/10.36719/2708-065X/109/85-91
Məqalədə beynəlxalq sistemin strukturu ilə dövlətlərin öz xarici siyasətini necə müəyyənləşdirməsi və maraqlarına uyğun hərəkət etməsi arasında sıx əlaqənin olduğu, Türkiyədə Ədalət və İnkişaf partiyasının xarici siyasətinin evolusiyası araşdırılır. 2002-ci ildən bəri Türkiyənin xarici siyasət fəaliyyəti aktivləşərək beynəlxalq və regional səviyyələrdə xarici inkişaflara uyğunlaşmağa istiqamətləndi. Bu dövrdə beynəlxalq sistemin təkqütblü nizamı sona çatdı və posttəkqütblü dünya düzənində Türkiyə daha çoxölçülü və çoxistiqamətli xarici siyasət nümayiş etdirdi. Məqalə dəyişən sistemli faktorların təsiri və Türkiyə xarici siyasətinin yeni istiqamətlərinin dəyişən nəticələrindən asılı olaraq onun xarici mühitə uyğunlaşması, yeni mərhələdə baş verən hadisələrə xarici siyasi reaksiyalarını araşdırır.
Açar sözlər: Türkiyə, xarici siyasət, beynəlxalq sistem, liberal beynəlxalq nizam, Yaxın Şərq regionu, təkqütblü sistem.