NURU MƏMMƏDOV

Bakı Dövlət Universitetinin 

Azərbaycan tarixi (humanitar fakültələr üzrə) kafedrasının professoru,

tarix elmləri doktoru

[email protected]

 

Faşizm üzərində qələbənin 80 illiyi qarşısında

 

MÜHARİBƏNİ KİM BAŞLADI, HİTLER YOXSA STALİN

(Sirlər açılır, yeni faktlarla tarixi həqiqət məlum olur)

 

DOI: https://doi.org/10.36719/2708-065X/109/72-78

 

Məqalədə İkinci dünya müharibəsinin və Böyük Vətən müharibəsinin başlanmasının səbəbləri yeni rəsmi sənədlərlə obyektiv izah edilir və araşdırılır. Konkret faktlarla və rəsmi sənədlərlə qeyd edilir ki, müharibəni başlayan nasistlərdir, faşist Almaniyasıdır. müharibə ərəfəsində, 30-cu illərdə beynəlxalq vəziyyətin mürəkkəb olduğu bir vaxtda Hitlerin hakimiyyət başına gətirilməsi, ABŞ və İngiltərə tərəfindən ona küllü miqdarda maliyyə yardımlarının edilməsi Almaniyada sürətli hərbiləş­dirmə proqramının həyata keçirilməsinə və beləliklə də güclü hərbi sənaye komplekslərinin yaradıl­masına əlverişli şərait yaratdı. Hitlerin təkəbbürlü iddiaları müharibəni qaçılmaz etdi. Hətta faşiz­mə qarşı kollektiv təhlükəsizlik sisteminin yaradılması haqqında SSRİ-nin sülhsevər təklifləri rədd edildi. Beləliklə, araşdırmalar və təhlillər, xüsusilə rəsmi sənədlər sübut edir ki, müharibəni başla­yan Hitler Almaniyasıdır.

Açar sözlər: Almaniya, Hitler, Stalin, müharibə, nasistlər, faşizm, müqavilə, rəsmi sənədlər.