SEVİNC ZEYNALOVA

Bakı Dövlət Universiteti

Qədim dünya və orta əsrlər tarixi kafedrasının baş müəllimi

[email protected]

 

AZƏRBAYCAN AĞQOYUNLU DÖVLƏTİNİN MİLLİ MƏNSUBİYYƏT MƏSƏLƏSİNİN

RUS (SOVET) TARİXŞÜNASLIĞINDA ÖYRƏNİLMƏSİNƏ DAİR

 

DOI: https://doi.org/10.36719/2708-065X/110/300-304

 

Məqalədə Ağqoyunlu dövlətinin milli mənsubiyyəti məsələsinə rus (sovet) tarixşünaslığında mövcud yanaşma tədqiq olunur. Araşdırma göstərir ki, sovet tarixşünaslığı Ağqoyunluların türk mən­şəli tayfa olduğunu qəbul etməsinə baxmayaraq, bu bağlılığı bir sıra hallarda ideoloji yanaşmalarla ya zəiflətmiş, ya da yönünü dəyişdirmişdir. Xüsusilə XX əsrin ortalarına qədər olan dövrün sovet alim­lərinin əsərlərində Ağqoyunluların siyasi və mədəni tarixi milli kontekstindən çıxarılaraq, qeyri-milli kateqoriyalarda təqdim etmək cəhdləri müşahidə olunur.

Tədqiqatda rus (sovet) alimlərinin fikirləri təhlil edilərək göstərilir ki, bu tarixçilər Ağqoyunlu­ların tarixi rolunu etiraf etsələr də, onların Azərbaycan tarixi və etnik kimliyi ilə üzvi bağlılığını ya nəzərə almamış, ya da ikincil mövqedə təqdim etmişlər. Bu yanaşmalar, əsasən sovet ideoloji doktri­nasının təsiri ilə formalaşmış və imperiya daxilində milli özünüdərkin qarşısını almağa yönəlmişdir.

Açar sözlər: sovet tarixşünaslığı, Ağqoyunlu, Azərbaycan dövlətçiliyi, milli mənsubiyyət.