EMİLYA ƏLİYEVA
t.ü.f.d., a.e.i., dosent
Azərbaycan MEA A.A.Bakıxanov adına
Tarix və Etnologiya İnstitutu
ŞİRVAN BÖLGƏSİNDƏ BOYAQÇILIQ SƏNƏTİNİN İNKİŞAFI TARİXİNDƏN
DOI: https://doi.org/10.36719/2708-065X/110/288-292
Şirvan bölgəsində inkişaf etmiş sənət sahələrindən biri də boyaqçılıq sənəti olmuşdur. Bu sənət sahəsinin inkişafında təbii boyaq vasitələrinin bolluğu, eləcə də xalçaçılıq, parça toxuculuğu və gön-dəri məmulatı istehsalı kimi sənət sahələrinin geniş yayılması rol oynayırdı. Demək olar ki, bölgənin bütün toxuculuq mərkəzlərində fəaliyyət göstərən boyaqçılar toxuculuq və gön-dəri məmulatlarının bədii tərtibatında mühüm rol oynayırdılar. Azərbaycanın digər bölgələrində olduğu kimi, Şirvan bölgəsində də boyaqxanalar təyinatlarına görə 3 yerə – müstəqil boyaqxanalara, toxuculuq emalatxanaları nəzdində fəaliyyət göstərən boyaqxanalara və mövsümi fəaliyyət göstərən ev boyaqxanalarına bölünürdü.
Açar sözlər: Şirvan bölgəsi, boyaqçılıq, toxuculuq, xalçaçılıq, rənglər.