GÜLNAR RZAYEVA
Sumqayıt Dövlət Universiteti
ORCİD- 0000-0002-3804-846X
HEYDƏR ƏLİYEVİN AQRAR İSLAHATLARINDA
BEYNƏLXALQ LAYİHƏLƏRİN ROLU: DÜNYA BANKI TƏCRÜBƏSİ
DOI: https://doi.org/10.36719/2708-065X/110/268-272
Sovet İttifaqının süqutundan sonra kənd təsərrüfatı sahəsində dərin böhranla üzləşən Azərbaycanın aqrar sektoru Ulu öndər Heydər Əliyevin hakimiyyətə gəlişindən sonra yeni inkişaf yolunu tapmış oldu. Heydər Əliyevin təşəbbüsü ilə həyata keçirilən aqrar islahatlar bu sahənin davamlı inkişafını təmin etmək, kənd təsərrüfatı məhsullarının istehsalını artırmaq, xarici bazarlara çıxışı genişləndirmək məqsədi daşıyırdı. Məqalədə aqrar sahədə beynəlxalq əlaqələr, xüsusilə Dünya Bankı kimi nüfuzlu təşkilatla əməkdaşlıq çərçivəsində icra olunan layihələrin kənd təsərrüfatına təsirindən bəhs edilir. Aqrar sektorun modernləşdirilməsi, kredit və məsləhət xidmətlərinin yaradılması, torpaq özəlləşdirməsi, fermer biliklərinin artırılması və kənddə yoxsulluğun azaldılması kimi istiqamətlərdə əldə olunmuş nailiyyətlər təhlil olunur.
Açar sözlər: Azərbaycan, Dünya Bankı, aqrar, layihə.