HƏVVA ORUCOVA
Bakı Dövlət Universitetinin
“Beynəlxalq münasibətlər” kafedrasının doktorantı
ORCID: https://orcid.org/0009-0000-8384-7108
PREZİDENT İLHAM ƏLİYEVİN DÖVLƏT QURUCULUĞU VƏ
İNKİŞAF STRATEGİYASI
DOI: https://doi.org/10.36719/2708-065X/110/199-206
Bu məqalədə Prezident İlham Əliyevin dövlət idarəçiliyi strategiyasının əsasları və onun müxtəlif istiqamətlərdə həyata keçirilməsi elmi əsaslarla təhlil olunur. Əsas diqqət, Ümummilli Lider Heydər Əliyevin müəyyənləşdirdiyi strateji kursun çağdaş dövrdə məntiqi davamı kimi dəyərləndirilən dövlət quruculuğu fəlsəfəsinə yönəlmişdir. Prezident İlham Əliyev bu kursu zamanın tələblərinə uyğun şəkildə modernləşdirərək milli maraqlara əsaslanan çevik və nəticəyönlü idarəetmə modeli formalaşdırmışdır. Tədqiqat çərçivəsində qanunvericilik bazasının təkmilləşdirilməsi, institusional islahatlar, iqtisadiyyatın neft amilindən asılılığının azaldılması və qeyri-neft sektorunun inkişafı kimi mühüm istiqamətlər elmi metodlarla araşdırılmışdır. Eyni zamanda, Azərbaycanın beynəlxalq arenada mövqeyinin möhkəmləndirilməsi, çoxtərəfli diplomatik fəallıq və regional güc statusunun təmin olunması kimi məsələlər də bu strateji idarəetmə konsepsiyasının əsas nəticələri kimi dəyərləndirilmişdir.
Açar sözlər: İlham Əliyev, dövlət quruculuğu, Heydər Əliyev irsi, qanunvericilik, iqtisadiyyat, diversifikasiya, xarici siyasət.