ELNUR KƏLBİZADƏ

tarix üzrə fəlsəfə doktoru, dosent

Bakı Slavyan Universiteti

kelbizadeh@gmail.com

 

ELM VƏ TƏHSİL SAHƏSİNDƏ İRAN-ERMƏNİSTAN ƏMƏKDAŞLIĞININ PƏRDƏARXASI MƏQAMLARI VƏ REALLIQLAR

 

DOI: https://doi.org/10.36719/2708-065X/110/134-139

 

Məqalədə 1991-2025-ci illərdə İran və Ermənistan arasında “humanitar və mədəni əməkdaş­lığın” başlıca istiqamətlərindən biri olan elm və təhsil sahəsində əlaqələrin gerçək mahiyyəti tədqiq edilmişdir. Tədqiqatdan aydın olur ki, İran və Ermənistan arasında 1991-ci ildən etibarən elm və təhsil sahəsindəki əməkdaşlıq, formal humanitar əməkdaşlıq pərdəsi altında həyata keçirilsə də, əs­lində hər iki tərəfin regional və geosiyasi məqsədlərinə xidmət etmiş, bu sahədə birgə fəaliyyətlər həm də hər iki dövlətlə kəsişən və toqquşan maraqları olan Azərbaycan Respublikasına qarşı yönəl­mişdir. İran üçün bu əməkdaşlıq Cənubi Qafqazda, xüsusilə Ermənistan vasitəsilə təsir dairəsini ge­nişləndirmək, özünü regionda "sivilizasiya mərkəzi" kimi təqdim etmək və Azərbaycana qarşı alter­nativ tarixi-mədəni narrativlər yaratmaq üçün əlverişli bir vasitə olmuşdur. Ermənistan isə bunu İrandan iqtisadi və informasiya-ideoloji dəstək əldə etmək, öz təbliğatını İran ərazisindəki erməni diasporu vasitəsilə həyata keçirmək imkanı kimi qiymətləndirmişdir.

Açar sözlər: İran, Ermənistan, humanitar əməkdaşlıq, elm, təhsil, geosiyasət, tarixi narrativ.