XATİRƏ AĞAYEVA
Tarix üzrə fəlsəfə doktoru
AMEA Abbasqulu Ağa Bakıxanov adına
Tarix və Etnologiya İnstitutunun baş elmi işçisi
QƏRBİ AZƏRBAYCANDA TARİXİ ABİDƏLƏR
DOI: https://doi.org/10.36719/2708-065X/111/267-277
Qərbi Azərbaycan həm tarixi, həm də mədəni irs baxımdan zəngin bir bölgə olaraq, müxtəlif dövrlərdə mədəniyyətlər və sivilizasiyaların qovuşduğu mərkəzlərdən biri olmuşdur. Bu ərazidəki abidələr, məscidlər, məqbərələr, saraylar və digər memarlıq nümunələri regionun zəngin tarixini və mədəni irsini əks etdirir. Tarixi və mədəni irsin mühafizəsi bu günkü dövrün əsas məsələlərindən birinə çevrilmişdir. Bu məqalədə Qərbi Azərbaycandakı abidələrin tarixi və memarlıq xüsusiyyətləri, onların qorunub saxlanması, erməni soyqırımı və deportasiya hadisələrinin abidələrin taleyinə təsiri araşdırılmışdır. Eyni zamanda, ermənilərin Cənubi Qafqazda mülkiyyət iddiaları ilə bağlı tarixi faktlara və İrəvanda, Zəngəzurda və Dərələyəz mahalında baş vermiş tarixi dəyişikliklərə toxunulmuş, mədəni irsin məhv edilməsi ilə bağlı əhəmiyyətli məlumatlar təqdim edilmişdir.
Açar sözlər: Qərbi Azərbaycan, Tarixi abidələr, Alban memarlığı, Erməni vandalizmi