KƏMALƏ ƏFƏNDİYEVA
AMEA-nın Akad. Z.Bünyadov adına Şərqşünaslıq İnstitutunun doktorantı
ORCID iD: 0000-0002-3789-2706
ERMƏNİSTAN VƏ QAZAXISTAN ARASINDA
SİYASİ-DİPLOMATİK ƏLAQƏLƏRİN İNKİŞAF DİNAMİKASI (1991–2025)
DOI: https://doi.org/10.36719/2708-065X/111/238-242
Məqalədə 1991–2025-ci illərdə Ermənistan və Qazaxıstan arasında siyasi-diplomatik əlaqələrin formalaşması və inkişaf mərhələləri araşdırılır. SSRİ-nin dağılmasından sonra diplomatik münasibətlərin qurulması, səfirliklərin açılması və 1999-cu ildə imzalanan “Dostluq və Əməkdaşlıq haqqında Müqavilə” kimi sənədlər iki ölkə arasındakı münasibətlərin əsasını təşkil etmişdir. Məqalədə həmçinin Ermənistan və Qazaxıstanın Avrasiya İqtisadi İttifaqı və MDB çərçivəsində əməkdaşlığı, 2024-cü ildə Ermənistanın Aİİ-yə sədrlik fəaliyyəti və KTMT-dən uzaqlaşma qərarının təsirləri təhlil olunur. 2025-ci ildə iqtisadi və nəqliyyat əlaqələrinin dərinləşməsi, hökumətlərarası komissiya, tranzit marşrutlarının bərpası və mədəni əməkdaşlığın güclənməsi xüsusi vurğulanır. Beləliklə, məqalə Ermənistan-Qazaxıstan münasibətlərinin siyasi və iqtisadi istiqamətlərdə praqmatik əməkdaşlıq səviyyəsinə yüksəldiyini göstərir.
Açar sözlər: Ermənistan, Qazaxıstan, diplomatik münasibətlər, siyasi əməkdaşlıq, iqtisadi inteqrasiya, nəqliyyat-logistika, regional diplomatiya, postsovet məkanı.