XATİRƏ QƏHRƏMANOVA
AMEA A.A.Bakıxanov adına Tarix və Etnologiya İnstitutu
“Azərbaycanın Beynəlxalq Əlaqələr Tarixi” şöbəsinin böyük elmi işçisi
HEYDƏR ƏLİYEV SİYASƏTİNDƏ DİASPORA AMİLİ:
UKRAYNADA AZƏRBAYCAN DİASPORUNUN TƏŞKİLATLANMASI
DOI: https://doi.org/10.36719/2708-065X/111/211-217
1991-ci il hər iki ölkə ikinci dövlət müstəqilliklərini bərpa etdikdən sonra dövlətlərarası əlaqələr yenə də inkişaf etməyə başladı. Artıq respublikalar müstəqil olaraq öz siyasətlərini yürütməyə başladılar. Azərbaycan Respublikasının şərəfli oğlu Ulu Öndər ikinci dəfə respublikanın rəhbəri olaraq, yenicə müstəqil olmuş bir dövlətin siyasi, ədəbi, mədəni əlaqələrini yenidən qurmalı və dövlətin inkişaf strategiyasını dəyişməli idi. Bütün bunlarla yanaşı Heydər Əliyev Diaspora siyasətində inkişaf strategiyasının bir bəndi olaraq hərəkətləndirdi. Hər səfərində Azərbaycandan kənarda yaşayan soydaşlarımızla görüşər, onlara öz tövsiyələrini bildirərdi. Heydər Əliyevin Ukraynaya səfərləri də yadda qalan və tarix yaszan görüşləri hər zaman diaspora nümayəndələri üçün bir strategiya olmuşdur. Məqalədə bütün bu məsələlərə aydınlıq gətirilmiş, və tarixi illər əsasında görülən işlər araşdırılaraq təhlil edilmişdir.
Açar sözlər: region, Ukrayna, azərbaycanlılar, Rusiya-Ukrayna, Cənubi Qafqaz, diaspor.