ÜLVİYYƏ HÜSEYNOVA
Azərbaycan Dillər Universiteti
Qərb ölkələri üzrə Regionşünaslıq kafedrası, baş müəllim
BÖYÜK BRİTANİYADA MƏTBUATIN ÜMUMİ SƏCİYYƏSİ
DOI: https://doi.org/10.36719/2708-065X/111/207-210
Qəzetlər hər zaman britaniyalıların həyatında mühüm rol oynayıb. Britaniyada digər ölkələrlə müqayisədə daha çox qəzet alınır. Onları qəzet oxumaq ənənəsinə görə Avropada yalnız skandinaviyalılarla müqayisə etmək olar. Britaniya qəzetləri Sun, Mirror, Mail, Express, Telegraph isə ən çox satılan qəzetlərdir. Star qəzeti isə Avropanın ən çox oxunan qəzetlərinin ilk onluğuna daxildir. Hal-hazırda qəzet oxuyanların sayı azaldığı halda qəzet oxumaq vərdişi bütün insanlar üçün “əsas vaxt aparan fəaliyyət” olmuşdur. Belə ki, insanların boş vaxtı artdıqca qəzetlərin də istehlakı artmağa başlamışdır. Aparılan araşdırmalar qəzet oxumağın son vaxtlara qədər “status qazandıran fəaliyyət” kimi baxıldığını aşkar etdi. Qəzetləri oxuyanlar isə mədəni və siyasi dəyərlərinə dair ziddiyyətli fikirlərə məruz qalıblar. Qəzetlərin formalaşmasında və inkişafında Britaniya cəmiyyətinin xüsusiyyətləri, onun institutları və orda yaşayan xalqlar müəyyən rol oynamışdır.
Açar sözlər: qəzet, mətbuat, hakimiyyət, xəbər.