AKİF MARİFLİ
Tarix üzrə fəlsəfə doktoru,
Özbəkistandakı H.Əliyev adına Azərbaycan Mədəniyyət Mərkəzi
ANTİTERROR ƏMƏKDAŞLIĞININ QLOBAL ÇƏRÇİVƏSİ: KOALİSİYA İNSTİTUTLARININ İNKİŞAF DİNAMİKASI VƏ ƏSAS FUNKSİYALARI
DOI: https://doi.org/10.36719/2708-065X/111/140-150
Məqalədə Yaxın Şərqdəki terrorizm və terrorçu qrupların fəaliyyəti təhlil edilir, bu strateji əhəmiyyətli bölgədə Qlobal Koalisiyanın yaradılmasının zəruriliyi vurğulanır. Qeyd olunur ki, terrorizm bütün dövlətlərə təsir edən transmilli təhlükə yaradır. Həmçinin terror aktlarına qarşı beynəlxalq əməkdaşlığa və dövlətlərarası koalisiya mexanizmlərinə xüsusi diqqət yetirilir. ABŞ-ın rəhbərlik etdiyi Qlobal Koalisiyanın Suriya və İraqdakı hadisələr kontekstində rolu, eləcə də Qərb ölkələrinin əsas regional aktyorlar - Rusiya və Türkiyə ilə qarşılıqlı əlaqəsi araşdırılır. Qeyd edilir ki, İŞİD-in mövqeyinin əhəmiyyətli dərəcədə zəifləməsinə və ərazisinin əhəmiyyətli bir hissəsi üzərində nəzarəti itirməsinə baxmayaraq, qrupun gizli özəkləri fəaliyyətini davam etdirir. Bu, beynəlxalq terrorizmlə mübarizə aparmaq üçün millətlərarası koalisiyanın saxlanmasının hərbi, siyasi və lojistik zəruriliyini təsdiqləyir.
Açar sözlər: terror, koalisiya, təşkilat, beynəlxalq, antiterror, kəşfiyyat, ekstremizm.