AFƏT GÜLƏLİYEVA

Bakı Dövlət Universiteti, “Beynəlxalq münasibətlər” kafedrası

Siyasi elmlər üzrə fəlsəfə doktoru, dosent

afetgulalieva@gmail.com

 

SOYUQ MÜHARİBƏDƏN SONRA DÖVLƏTLƏRARASI MÜNASİBƏTLƏRİN BEYNƏLXALQ HÜQUQİ TƏNZİMLƏNMƏSİ MƏSƏLƏLƏRİ

 

DOI: https://doi.org/10.36719/2708-065X/111/102-106

 

Bu gün siyasi, iqtisadi, informasiya və mənəvi sferlarda baş verən inteqrasiya prosesləri dövlət və siyasi sistemlər arasında daha sıx qarşılıqlı əlaqəyə ehtiyac yaradır ki, bunun hüquqi tənzimlən­məsinin əsasını, fikrimizcə, yalnız beynəlxalq hüquq normaları təşkil edə bilər. Beynəlxalq hüquq, mahiyyət etibarilə ümumdemokratik normativ sistemdir. Onun fundamental mənbələri artıq bir çox ümümbəşəri dəyərləri təsbit edir: güc tətbiq etmə hədəsinin və ya tətbiqinin yolverilməzliyi, müdaxilə edilməməsi, insan hüquqlarına hörmət, tərksilah, dövlətlərarası əməkdaşlıq və s. Yalnız beynəlxalq hüququn köməyi ilə müstəqil, həqiqətən bərabərhüquqlu dövlətlər sabit beynəlxalq sistem təşkil edə və güclülərin ixtiyarından deyil, beynəlxalq ünsiyyətin ümumi razılaşdırılmış normalardan asılı ola bilərlər. Bu, beynəlxalq hüquqi nizamın və sabitliyin əsası olduğu kimi beynəlxalq münasibətlər sistemində dövlətlərin davranışlarınında əsasını təşkil etməlidir.

Açar sözlər: beynəlxalq hüquq, insan hüquqları, humanitar müdaxilə, soyuq müharibə, beynəl­xalq hüquq pozuntuları.