SONA MƏHƏRRƏMOVA
Sumqayıt Dövlət Universitetinin dosenti
ORCİD:0000-0002-7816-4916
TARİXİN TƏDRİSİ PROSESİNDƏ İKT-DƏN İSTİFADƏ ETMƏ
BACARIQLARININ FORMALAŞDIRILMASI
DOI: https://doi.org/10.36719/2708-065X/112/247-250
Müasir təhsil sistemində informasiya və kommunikasiya texnologiyaları (İKT) tədris prosesinin mühüm və ayrılmaz tərkib hissəsinə çevrilmiş, tarix fənninin məzmununu və tədris metodlarını əhəmiyyətli dərəcədə dəyişdirmişdir. Məqalədə tarix təlimində İKT-nin rolu, təhsilalanlarda rəqəmsal texnologiyalardan istifadə bacarıqlarının formalaşdırılması, onların müasir pedaqoji yanaşmalarla inteqrasiyası və bu prosesdə meydana çıxan çətinliklər təhlil olunur. Göstərilir ki, İKT-nin tətbiqi tarixi biliklərin daha səmərəli mənimsənilməsinə şərait yaratmaqla yanaşı, tənqidi düşünmə, tədqiqat aparma və informasiyanın emalı bacarıqlarının inkişafına da töhfə verir. Xüsusi olaraq tarixi hadisələrin virtual mühitdə yenidən qurulması, interaktiv xəritə və simulyasiyalardan istifadənin şagirdlərin motivasiyasının artmasına və dərslərin vizual cəhətdən daha cəlbedici olmasına təsiri vurğulanır. Nəticə etibarilə, İKT-kompetensiyalarının formalaşdırılması tədris prosesinin keyfiyyətinin yüksəldilməsində və inklüziv təhsil imkanlarının genişləndirilməsində əsas amillərdən biri kimi qiymətləndirilir, eyni zamanda bu sahədə mövcud pedaqoji və texnoloji məhdudiyyətlər qeyd olunur.
Açar sözlər: tarix tədrisi, İKT, interaktiv öyrənmə, bacarıq formalaşması, metod və strategiyalar.