RAZİYƏ HACIYEVA
NDU-nun Azərbaycan tarixi kafedrasının II kurs magistrantı
İNGİLİSLƏRİN NAXÇIVANDA GENERAL-QUBERNATORLUQ
YARATMAQ CƏHDLƏRİ VƏ NƏTİCƏSİ
DOI: https://doi.org/10.36719/2708-065X/112/183-187
Bu məqalədə Birinci Dünya müharibəsindən sonrakı siyasi vəziyyət fonunda İngiltərənin Naxçıvan bölgəsində general-qubernatorluq yaratmaq cəhdləri elmi şəkildə araşdırılır. Tədqiqatda ingilis hərbi-siyasi missiyasının bölgədə nüfuz qazanmaq və idarəetməni nəzarətə götürmək niyyətinə xidmət edən addımları təhlil edilir. Məqalədə həmin təşəbbüsün yerli azərbaycanlı əhali, regional siyasi qüvvələr və beynəlxalq dairələr tərəfindən necə qiymətləndirildiyi, göstərilən müqavimət və diplomatik maneələr səbəbilə uğursuzluğa düçar olduğu göstərilir. Araşdırmanın nəticəsi olaraq müəyyən edilir ki, İngiltərənin Naxçıvan üzərində general-qubernatorluq qurmaq planı bölgənin real siyasi-milli mənzərəsinə uyğun gəlmədiyi üçün həyata keçirilməmişdir.
Açar sözlər: Naxçıvan, İngilislər, general-qubernatorluq, Cənubi Qafqaz, geostrateji maraqlar.