ŞAHISMAYIL İSMAYILOV

Azərbaycan Dillər Universiteti, Azərbaycan Universiteti,

Bakı Slavyan Universiteti, tarix üzrə fəlsəfə doktoru, dosent

ORCID: https://orcid.org/0000-0002-7441-3575

ismayılovsahismayı[email protected]

 

AZƏRBAYCAN–TÜRKİYƏ MÜNASİBƏTLƏRİNDƏ

SOSİAL-MƏDƏNİ İNTEQRASİYA MƏSƏLƏLƏRİ

 

DOI: https://doi.org/10.36719/2708-065X/112/71-77

 

Bu məqalədə Azərbaycanın müstəqillik əldə etməsindən sonra Azərbaycan-Türkiyə münasibətlə­rində sosial-mədəni inteqrasiya prosesləri təhlil olunur. Tədqiqatın aparılmasının əsas məqsədi iki ölkə arasında tarixi, mədəni və mənəvi bağlılıqların müasir dövrdə hansı mexanizmlər vasitəsilə dərin­ləşdiyini və bunun regional əməkdaşlığa təsirini müəyyənləşdirməkdir. Araşdırmada tarixi-müqayisə­li, sistemli yanaşma və mənbə təhlili metodlarından istifadə edilmişdir. Məqalədə dövlətlərarası saziş­lər, təhsil və elm sahəsində əməkdaşlıq, aşıq sənəti, kino və turizm nümunələri əsasında sosial-mədəni inteqrasiyanın əsas istiqamətləri araşdırılmışdır. Tədqiqat nəticəsində müəyyən edilmişdir ki, sosial-mədəni əlaqələr Azərbaycan–Türkiyə münasibətlərinin strateji xarakter almasının əsas dayaqlarından biridir və bu inteqrasiya yalnız ikitərəfli münasibətlərin deyil, bütövlükdə türk dünyasında mədəni bir­liyin möhkəmlənməsinə xidmət edir. Əldə olunan nəticələr göstərir ki, mədəni diplomatiya və humani­tar əməkdaşlıq iki ölkə arasında uzunmüddətli və davamlı tərəfdaşlığın formalaşmasında həlledici rol oynayır.

Açar sözlər: Azərbaycan–Türkiyə münasibətləri, sosial-mədəni inteqrasiya, mədəni diplomati­ya, təhsil və elm əməkdaşlığı, aşıq sənəti, kino və turizm.