XANIM SƏDİROVA
Bakı Dövlət Universitetinin
“Politologiya və sosiologiya” kafedrasının doktorantı
KONSTİTUSİYA VƏ ONUN TƏSNİFATI
DOI: https://doi.org/10.36719/2708-065X/113/239-243
Məqalədə Konstitusiya anlayışı, onun hüquqi mahiyyəti, yaranma səbəbləri və dövlətin siyasi-hüquqi sistemində tutduğu əsas mövqe ətraflı şəkildə təhlil olunur. Konstitusiyanın dövlət hakimiyyətinin təşkili, insan və vətəndaş hüquq və azadlıqlarının qorunması, hüquqi dövlətin formalaşdırılması və cəmiyyətlə dövlət arasındakı münasibətlərin tənzimlənməsindəki rolu elmi əsaslarla izah edilir. Eyni zamanda, konstitusiyaların müxtəlif meyarlara görə təsnif olunması onun hərtərəfli şərh olunmasına daha geniş imkan yaradır. Yazılı və şifahi, unitar və feredativ, sərt və yumşaq konstitusiyaların müqayisəli təhlili də məqalədə öz əksini tapıb. Tədqiqatın əsas məqsədi Konstitusiya instituna dair sistemli və dolğun bilik formalaşdırmaq, onun növləri arasındakı fərqləri aydın şəkildə göstərmək və hüquq elmi baxımından Konstitusiyanın cəmiyyətin inkişafındakı əvəzsiz rolunu vurğulamaqdır.
Açar sözlər: Konstitusiya, insan hüquqları, hakimiyyət, qanun, idarəçilik, vətəndaş.