ZƏHRA CƏFƏRLİ
Bakı Dövlət Universiteti I kurs doktorantı
AZƏRBAYCAN – ÖZBƏKİSTAN MÜNASİBƏTLƏRİNDƏ
MƏDƏNİ DİPLOMATİYA VƏ YUMŞAQ GÜC
DOI: https://doi.org/10.36719/2708-065X/113/134-138
Məqalə Sovet İttifaqının dağılmasından sonra formalaşan yeni beynəlxalq münasibətlər sistemində Türk dünyası dövlətlərinin mədəni diplomatiya və yumşaq güc siyasətini Azərbaycan-Özbəkistan münasibətləri nümunəsində araşdırır. Tədqiqatda Türk dünyasında mədəni inteqrasiyanın əsas alətləri, beynəlxalq və regional təşkilatların fəaliyyəti, eləcə də Azərbaycan və Özbəkistan arasında mədəni, elmi və təhsil sahəsində əməkdaşlıq nümunələri təhlil olunur. Məqalədə ortaq mədəni tədbirlər, mədəniyyət günləri, festivallar, mədəni mərkəzlərin fəaliyyəti və təhsil mübadiləsi yumşaq güc siyasətinin mühüm elementləri kimi qiymətləndirilir. Azərbaycan və Özbəkistan arasında mədəni və elmi əməkdaşlıq Türk dünyasında qarşılıqlı etimadın möhkəmlənməsinə və regional inteqrasiyanın dərinləşməsinə xidmət etməsi əsaslandırılır.
Açar sözlər: Azərbaycan-Özbəkistan münasibətləri, Türk Dünyası, Yumşaq güc, mədəni diplomatiya, TÜRKSOY, Beynəlxalq Türk Akademiyası, Türk Mədəniyyəti və İrsi fondu, Daşkənddə Heydər Əliyev adına Mədəniyyət Mərkəzi.