ƏSMƏD MUXTAROVA
Bakı Dövlət Universitetinin professoru
TARİX YAZAN VƏ TARİXİ YAŞAYAN ÖMÜR YOLU
DOI: https://doi.org/10.36719/2708-065X/114/296-297
2026-cı ilin sentyabr ayında Azərbaycan elminin və təhsilinin flaqmanı Bakı Dövlət Universitetinin Mənbəşünaslıq, tarixşünaslıq və metodika kafedrasının dosenti Səidə Əli qızının 80 yaşı tamam olur. Səkkiz onillik bir insan ömrü üçün böyük rəqəmdir. Amma bu səkkiz onillik əgər elmə, Vətənə, təhsilə və gənc nəslin yetişdirilməsinə həsr olunubsa, o zaman bu rəqəm sadəcə təqvim təcrübəsi deyil, əsl qəhrəmanlıq salnaməsidir. Tarix üzrə fəlsəfə doktoru, dosent Səidə xanım Əli qızının həyat yolu da məhz belə bir şərəfli salnamədir. O, həyatını Azərbaycan elminin ən çətin, lakin ən şərəfli sahələrindən biri olan tarix elminə bağlayıb. Bakı Dövlət Universitetinin Tarix fakültəsi illərdir ki, Azərbaycanın ideoloji və elmi sütunlarını formalaşdırır. Bu sütunları uca edənlər isə məhz Səidə xanım kimi fədakar müəllimlərdir. Mənbəşünaslıq kimi dərin səbir, incə detal duyumu və mühakimə tələb edən bir sahədə illərlə tədqiqat aparmaq, mənbələrin qat-qat tozunu aralayaraq həqiqəti üzə çıxarmaq hər adamın işi deyil. Səidə xanım elmi-pedaqoji fəaliyyəti dövründə daim bu elmin keşiyində durub, gənclərimizə təkcə quru tarix deyil, həm də onun ruhunu, sətiraltı həqiqətlərini öyrədib.
...