RƏNA ƏSƏDOVA

tarix üzrə fəlsəfə doktoru, dosent

AMEA Tarix İnstitutu,

Azərbaycan Universiteti

ORCID kod: 0000-0002-0310-6201

[email protected]

 

CƏBRAYIL (KARYAGİN) QƏZASININ RUSİYA İMPERİYASININ

İNZİBATİ QURULUŞUNDA YERİ

 

DOI: https://doi.org/10.36719/2708-065X/114/84-90

 

Qarabağ xanlığı Rusiya imperiyasına birləşdirildikdən sonrakı onilliklərində regionun idarəçi­lik sistemində, inzibati quruluşunda ciddi dəyişikliklər baş verdi. Bu dəyişikliklər nəticəsində xanlığın cənub bölgəsi olan Cəbrayıl mahalı öncə Qarabağ əyalətinin, sonra da Şuşa qəzasının tərkibinə daxil edildi. 1874-cü ildə isə Yelizavetpol quberniyası tərkibində ayrıca qəzaya çevrildi və sonrakı dövrdə 3 sahəyə bölündü. Təqdim edilən məqalədə Cəbrayıl (Karyagin) qəzasına aid yaşayış məntəqələri, əhalisinin sayında və etnik tərkibində baş vermiş dəyişikliklər araşdırılmış, onun doğurduğu nəticələr təhlil edilmişdir.

Açar sözlər: Cəbrayıl mahalı, Karyagin qəzası, inzibati quruluş, qəza və sahələrin yaradılması, kənd cəmiyyəti, yaşayış məntəqələri.