CƏFƏR XANƏLİYEV

Azərbaycan Dövlət Pedaqoji Universitetinin

“Azərbaycan tarixi” kafedrasının baş müəllimi.

Bakı Dövlət Universiteti, Tarix fakültəsi, “Azərbaycan tarixi

(humanitar fakültələr üzrə)” kafedrasının dissertantı.

[email protected]

 

AZƏRBAYCAN SSR-DƏ SOVET MİLLİ SİYASƏTİ ƏTRAFINDA İXTİLAFLAR

VƏ MİLLİ MÜNASİBƏTLƏRİN KƏSKİNLƏŞMƏSİ

(1920-ci illərin ilk yarısı)

 

DOI: https://doi.org/10.36719/2708-065X/103/112-118

 

Məqalədə əsasən XX əsrin 20-ci illərinin birinci yarısında Azərbaycan Sovet Sosialist Respubli­kasında sosializm quruculuğu prosesində rəhbər dairələrdə sovet milli siyasəti və milli məsələlər ətrafında baş vermiş ixtilaflar öyrənilmişdir. Aparılmış tədqiqatda arxiv mənbələrinə və elmi ədəbiy­yatlara edilən istinadlar əsasında aprel (1920-ci il) işğalından sonra Azərbaycanda həyata keçirilmə­sinə başlanan sovet milli siyasətinə dair yaranmış ziddiyyətlər dərindən araşdırılmış, mövcud ixtilaf­lara səbəb olan əsas amillər göstərilmiş, sovet milli siyasətinin əsl mahiyyəti açıqlanmışdır. Həmçinin, Azərbaycan SSR rəhbərliyində vətənpərvər azərbaycanlı kommunistlərlə qeyri-millətlərdən olan kadr­lar arasında milli məsələlərə dair mövcud ixtilafların, sovet milli siyasəti ətrafında gedən mübarizənin ölkəmizdə milli münasibətlərə təsiri, milli münasibətlərin gərginləşməsinə, siyasi qarşıdurmaya yol açması halları da araşdırılmışdır.

Açar sözlər: Azərbaycan SSR, milli məsələ, ixtilaflar, sovet milli siyasəti, milli münasibətlər.