AYSEL ŞAMİLOVA
Sumqayıt Dövlət Universiteti
AZƏRBAYCAN RESPUBLİKASINDA GENDER BƏRABƏRLİYİ PROBLEMİNİN HƏLLİNİN İCTİMAİ-SİYASİ FƏALLIĞIN ARTMASINA TƏSİRİ
DOI: https://doi.org/10.36719/2708-065X/103/141-144
Son onillilərdə gender bərabərliyinin təmin edilməsi və qadın hüquqlarının qorunması üzrə qlobal miqyasda görülmüş işlərin miqyası və bu işlərin şəffaflıq dərəcəsi daha yüksəkdir. Xüsusi olaraq bu istiqamətdə informasiya təminatının artması, təbliğat işlərinin miqyasının gücləndirilməsi görülmüş işlərin səmərəlilik dərəcəsinin daha da artmasına xidmət etmişdir.
Bu gün qadınlarımız dövlətin yaratdığı bütün imkanlardan tam şəkildə istifadə etmək üçün bütün şəraitlə təmin edilmişlər. Sərbəst təhsil almaq, fiziki hazırlıqlarını inkişaf etdirmək, peşəkarlıq səviyyələrini artırmaq və digər imkanlardan yararlanan qadınlarımız cəmiyyət həyatının bütün sahələrində, ictimai-siyasi proseslərdə də fəal iştirak edir, müasir, daha güclü dövlətimizin qurucuları missiyasını yerinə yetirirlər.
Açar sözlər: Azərbaycan qadını, gender bərabərliyi, iştirak, fəallıq, siyasi.