NÜŞABƏ QULİYEVA

Bakı Dövlət Universitetinin doktorantı,

Azərbaycan Universiteti Beynəlxalq

Magistratura və Doktorantura Mərkəzinin direktoru,

tarix üzrə fəlsəfə doktoru, dosent

https://orcid.org/0000-0001-7117-6394

[email protected]

 

AZƏRBAYCANDA TƏHSİL SİSTEMİNİN İNKİŞAFI:

STRATEJİ İSTİQAMƏTLƏR VƏ GƏLƏCƏK HƏDƏFLƏR

 

DOI: https://doi.org/10.36719/2708-065X/110/128-133

 

Azərbaycanda müasir təhsil sisteminin formalaşması uzun müddət ərzində müxtəlif mərhələlər­dən keçmişdir. Təhsil islahatlarının başlanğıcı Sovet dövrünə təsadüf etsə də, müstəqillik əldə edil­dikdən sonra, xüsusən 2000-ci illərin sonlarından etibarən, təhsil sahəsində əsaslı dəyişikliklər həya­ta keçirilməyə başlanmışdır. Bu dövrdə ümumi təhsil, peşə təhsili və ali təhsil sahələrində islahatlar aparılmış, beynəlxalq standartlara uyğun təhsil proqramları və metodları tətbiq olunmuşdur. Azər­baycanın təhsil sistemi rəqəmsal texnologiyalarla və innovativ tədris metodları ilə zənginləşdirilmiş, həmçinin təhsil infrastrukturunun inkişafı ilə təhsil keyfiyyəti yüksəlmişdir. Dövlətin təhsil sahəsinə olan diqqəti, müasir təhsil resurslarının istifadəsi və müxtəlif təhsil proqramlarının tətbiqi, gənclərin beynəlxalq səviyyədə rəqabətə dayanıqlı və yüksək səviyyəli mütəxəssislər olaraq yetişməsinə imkan yaratmışdır. Bu inkişaflar, Azərbaycanın təhsil sahəsindəki mövqeyini gücləndirərək ölkənin sosial-iqtisadi inkişafına müsbət təsir göstərmişdir. Nəticədə, Azərbaycanda müasir təhsil sisteminin forma­laşması, ölkənin gələcək inkişafına dair mühüm bir göstərici olmaqla yanaşı, təhsilin keyfiyyətinin daha da artırılması üçün davamlı islahatların həyata keçirilməsini tələb edir.

Açar sözlər: Azərbaycan, Heydər Əliyev, təhsil, elm, qanun, layihə.